占卜

你有試過這種經歷嗎? 當你無能為力時,當你感到盡力而為但結局還是未可知時,當你渴望得到最終答案時,你就會去求神拜佛,去占卜問前程. 我是出名的神婆,類似的事,我做了不少. 自面對公開考試開始,到出來工作.凡有大阻礙,大問題,前路汒汒時我就會去求神問卜.

中五重讀時,因為只許勝不許敗的情況下,知道紅色當旺,所以每場考試都穿上紅色外套及紅色襯衫. 那年,我合格了.
中七那年,考試前去了問黃大仙,大仙指示會逢凶化吉,那年,我考進大學.
出來工作後,工作,愛情不如意,去了光顧利士神婆,測易經,她說的,說準了80%.

我不會認為這一切全因神力所然,只不過當我感到全力以付仍不對前景落觀時,為了令自己得到舒坦,所以占卜去了.可能是它給了信心,完成事情;又可能是有了目標,自己可踏實一點.總之,我就是會安穩一點.雖然我信占卜,但只在於中國式的,外國那些,我都不太相信.例如:星座,塔羅等. 都是看過就算的了.

明天,我又會到神婆那?去.看看這兩三個月會發生什麼事來.

以我的經驗,有以下的評估:
黃大仙vs車公 大仙比較好人,因為它有很多抽中吉籤的機會. 車公就比較老實,吉/壞籤機會均等.不過最重要係識得搵解籤佬,呢個先係關鍵所在.有d厄飯食,唔好都講到好,要小心啊! 我去襯車公永籤我都冇搵解籤佬,都係自己睇.因為佢地d籤易明d,黃大仙個d難
明d嫁.

觀音vs大佛 我認為不要去那裡求籤比較好.因為它們與其他宗廟不同,總覺得要求它們給予 你一點回報,好像有點大不敬. 對它們,我只會入廟拜神,叫做打聲招呼而已.

廟街d呀伯 睇你搵到邊個啦.大部份都係得啖笑!搵兩餐飯仔食下.

利士神婆 (易經)我覺得幾準嫁.只要你求既時候係真心相信,而唔係抱住試下啦,玩下啦.我覺得都 信得過. 不過要記得,神婆識易經&塔羅牌,如果你撞唔岩時候去,你就冇得測易經啦.佢會先問你想測邊樣先肯幫你測.呢點就係我信佢既原因:佢唔會玩玩下!收費呢,都 算合理公道啦.

百利神婆ray 我都係跟朋友上去玩測名字,我就冇測,只係旁觀.測名主要講你既性格同將來生活既大方向.如果你要仔細d知道將來運程,就要幫襯玩另一樣野.神婆ray好似樣樣都識咁,你隨時可以玩易經,又可以睇相,亦可以睇流年更可以玩塔羅.我覺得有d濫,而
佢既收費都唔平嫁!0個日朋友俾佢測名,講佢地既性格,都可以講係幾準既!

市面上不斷有d二樓cafe店開始為人占卜,睇相,占塔羅,收費費到嚇親人,我對個d就...麻麻地啦.費事送錢俾人洗.你知啦,占卜呢d野,要一段時間先知佢準定唔準麻.所以我都冇去過測.

大家有興趣就試下啦,不過一定唔好玩玩下,個心唔係度,叫人點同你測?一陣人地卜得唔準就賴人冇料到. 試過返黎同我交流下丫!